قصة الزين مع أمها كامله

وضحت الزين قصتها مع والدتها عبر سناب شات، وبدأت القصة متحدثة: “أسعد الله صباحكم جميعاً، اليوم بسولفكم عن سالفة صارت معي الله لا يجعل أحد يعيش فيها، وأبغى الكل يستفيد منها، أنا إنسانه أعشق أمي الله يحفظها لدرجة ما تتخيلون، أعشق الأرض اللي تمشي عليهاـ وأمي خيرة تحملتنا أنا وإخواني مستحيل ينقصنا شي إلا تجيبه، وتبينا افضل الناس في كل شي، كانت الأم والأخت والصديقة، كنت المدلعة عندها وفي نفس الوقت ما كانت ترضى إني أغلط على أحد أو أقل أدبي، والكل يثني على تربيتنا وعن محصلنا الدراسي”.

معلمة الزين تجد الحل لمشكلتها
وسردت الزين باقي القصة متحدثة:”رجعت لمعلمتي لأن الوضع النفسي بالنسبة لي جداً صعب وصرت في صراع داخلي، الله لا يعيد هالشي، المهم قلتلها عن اللي يصير معي ومن في اللي قلتلها عنه الأحلام ونفوري من أمي، صرحت لي اسمعي يا بنتي كل يوم اقرأي سورة البقرة ضروري كل يوم وأذكار الصباح والمساء، أنا طنشت كلامها في البداية ولكن لما صرت أتعب وأشوف وضع أمي وتعبها معي، وأحياناً تقول يمكن فترة مراهقة ومن هالكلام”

وتابعت: “صرت أقراها وأضغط على نفسي بعض الحروف كنت ما أقدر أنطقها أو بالأحرى ما أقدر أكمل بعض الآيات، المهم صار في مدرستي مجلس أمهات، الوالدة حضرت وكانت قبل معلمتي محرصة علي إذا جت أمي لازم تكلمها (المعلمة كانت معلمة دين”، صرحت لأمي البنت لازم تقرون عليها لأنها متغيرة 180 درجة ومن هالكلام، وأمي تفهمت الموضوع وودتني عند قاريء الله لا يوريكم استمريت فترة طوية أتعالج بالقرآن، وبعدها بديت أقرأ سورة البقرة كل يوم على نفسي، واتحسنت بشكل عجيب ويارب لك الحمد، رجعت حياتي مثل ما كانت وأفضل، واللي كان فيني عين واللي كنت أشوفها بأحلامي ع كلام الشيخ انها هي نفسها العاننة وكل هذا عشان خدمتي لأمي”.