هل تنفع علاقة الحب من شخص متزوج.
نتشرف بكم على موقع مصر النهاردة ويسرنا أن نقدم لكم هل تنفع علاقة الحب من شخص متزوج.
هل تنفع علاقة الحب من شخص متزوج.
أصعب أنواع العلاقات الموجودة دلوقتي هي العلاقة اللي بتتولد بين طرفين مش هينفع أبدا يكونوا لبعض .. بالأخص المتزوجين !!
علاقة استسلمنا فيها للحب بكامل معانيه.. وبنوصل فيها لأقصي درجات العشق
علاقة بنستسلم فيها بشكل كامل لإحتياجنا ولضعفنا …. من غير ما نفكر بكرا ممكن هيحصل ايه ..
تيجي البداية بين واحد وواحدة بالكلام… كلام عادي يقلب بارتياح ونبتدي نحس باهتمام وانجذاب لحد ما يتحول الموضوع لإدمان على وجود الشخص ده ..
المصيبة الكبيرة ان العلاقة في الاول بتبتدي بالعقل …. كل واحد بيتكلم بالعقل ..بيتصرف بالعقل .. لانه خايف جدا من الوقوع في الحب ونفس الوقت مش عاوز يطلع هو الغلطان في حكايته اللي حكاها للتاني … بيحاول بالعقل يطلع نفسه الطرف المظلوم ف القصة وبالتالي الطرف التاني هيشوفه في هيئة ملاك وهيشوف ان الانسان ده لو معاه في حياته ممكن الدنيا تبقي حلوة وحياته هتبقي زي الفل …
ومع طول الكلام والحكاوي والقصص بنبتدي ننسي العالم اللي حوالينا .. ننسي الناس .. ونركز علي الشخص اللي بيتكلم معانا … ومرة واحدة نلاقي نفسنا مش عارفين نستغني عن بعض ….
وهنا يدخل الشيطان ويقولنا الحب مش حرام وفيها ايه لما نكون سند لبعض ونسمع بعض طالما مفيش غلط …. ونبتدي نحلل الخيانة بأن الناس اللي عايشين معانا مش حاسين بينا .. سايبينا … ادينا قدامهم ومش شايفينا … ونبتدي نحكي للي عرفناهم علي مشاكلنا الخاصة بشكل اكبر و لأن لسه الطرف التاني بيحكم بالعقل فطبيعي جدا جدا الانجذاب يزيد بشكل أكبر …
لحد ما يتحول الموضوع لعشق … وهنا تيجي بداية النهاية القاسية ….
هي هتغير من مراته وهو هيغير من جوزها .. انشغاله ببيته يترجم لبعد … انشغالها يترجم اهمال وتبتدي الصراعات ما بينهم تزيد بشكل متواصل ومتعب ومرهق جدا …
طب ايه اللي حصل … مش دول الناس اللي كنتوا بتقولوا عليهم مفيش حد في الدنيا حبنا زيهم … مفيش حد في الدنيا هيحافظ علينا و …….
اللي حصل في النهاية ده أكيد عقاب ربنا علي استحلالنا للحرام …. علي اننا استمتعنا بالمعصية … وفكرة اننا نرمي الذنب علي الناس اللي معانا بحجة انهم مش حاسين .. فأنا اسف اني ارد واقول لا ده الشيطان اللي وهمك انهم مش حاسيين .. انتم اللي مشغولين بالتدوير في قلوب ناس تانيه .. مشغولين بالبحث عن حل مشاكلكم مع ناس تانيه … مبتتكلموش معاهم …
والأخطر من كدا استهونتوا اوي بالحرام .. مكنتوش خايفين وانتوا عارفين ان ربنا شايفكم ومطلع عليكم …
سيبتوا الشيطان يوهمكم بأنكم سند في حياة بعض لحد ما دمرتم قلوب بعض ….
غير ان لذة المعاصي منعتكم من الاحساس بمتعة الحلال … وهمتكم ان الحضن الحرام احلي من الحضن الحلال …. اتعميتم عن الصح لحد ماوقعتم علي جدور رقبتكم ولقيتوا قلوبكم متدمرة ومبقتش نافعه …
ياريت نفوق ….
ياريت …..